时间：2020-12-22 来源：
甲：开放改革起春风，春风吹过百花红；
新人新事千千万，城乡处处有新风，
今夜俩人唱老公。
乙：唱老公，
别人听到肚笑痛；自家蒸酒自家喝，
百人众里唱老公，样般你面唔晓红。
甲：唔晓红，
因为捱有好老公；你既老公唔敢唱，
可能系条大赖虫?所以唱出面会红。
乙：面会红，
你莫讲坏涯老公；涯嘅老公样样好，
部队当兵做英雄；年年喜报寄家中。
甲：寄家中，
其实唔当涯老公；科学耕田创高产，
劳动模范系光荣，身戴红花系威风。
乙：系威风，
样般当得涯老公；驾驶飞机考第一，
日夜巡逻在空中，保卫祖国立新功。
甲：立新功，
捱就来讲捱老公；养猪技术考第一，
喂条猪公大又雄，科学配种手指公。
乙：手指公，
捱也来讲捱老公；上次长江发洪水，
带领士兵去抗洪。好比打仗尽冲锋。
甲：尽冲锋，
捱嘅老公好作风；看到村里贫困户，
钱粮送到佢巨家中。大家话佢活雷锋。
乙：活雷锋。
捱嘅老公思想红；有个学生跌落水．
老公马上跳水中。抢救学生又立功。
甲：又立功。
捱嘅老公情意浓。捱去劳动回到家，
拿扇同捱尽拨风。棉花开捆一身松。
乙：一身松。
捱嘅老公好老公；捱有一次犯感冒，
同涯按摩系用功，头上按到脚趾公。
甲：脚趾公?
捱嘅老公好老公；看涯身体唔够好，
买到杞子燉鸡公，吃哩老虎下山有柬雄。
合：捱俩今日唱老公，各人特色有唔同；
世上妇女千千万，人人都有好老公．
下次等但唱老公。